من نحن
المحتوى موجود. المشكلة إنه مبعزق.
كل كلية بالأردن فيها فريق طلابي بيجمع سلايدات وامتحانات ويوزّعها على واتساب ودرايف. الملفات بتضيع، والنسخ بتتكرر، وما حد بياخد كريدت. لُباب بتجمع هالشغل بمكان واحد، وبتحوّله لملخصات وبنوك أسئلة وفلاشكاردز — والاسم بيضل لصاحبه.
كيف تشتغل لُباب
الشريك يجمع
الفريق الطلابي بيرفع سلايدات وامتحانات وواجبات على بوابته.
هذا المحتوى بيضل مجاني للكل، وباسم اللي جمعه.
لُباب تحوّل
بنبني فوق هالملفات ملخصات وبنوك أسئلة وفلاشكاردز.
هاد محتوى الاشتراك، وعليه شارة واضحة دايماً.
الطالب يدرس
بحث واحد عبر كل الجامعات، وحاسبة معدل بنظام جامعتك.
وكل شي بيشتغل أوفلاين على الموبايل.
اللي بنمشي عليه
الكريدت مش اختياري
كل ملف عليه اسم الفريق واسم اللي رفعه، وكل ملخص AI بيقول على شو مبني.
المجاني بيضل مجاني
ما بنحبس محتوى الشريك خلف اشتراك. الاشتراك بس على اللي بنبنيه إحنا.
الـ AI مساعد، مش مرجع
كل محتوى مولّد عليه إخلاء مسؤولية وزر تبليغ، والمصدر الأصلي دايماً على بعد كليك.
الشريك صاحب بيته
كل فريق عنده سبدومين وشعاره ولونه وصفحة «من نحن» بيكتبها بنفسه.
عندك فريق بكليتك؟
بنعطيك سبدومين وبوابة كاملة ونسبة من اشتراكات طلاب كليتك. إنت بتضل مالك محتواك.