كيف بتشتغل لُباب
مواد كليّتك مش ناقصة. ناقصها ترتيب.
السلايدات والامتحانات والدوسيّات موجودة — بس مبعزقة على واتساب ودرايف ومجلدات ما إلها اسم. لُباب بتجمعها من الفرق الطلابية اللي جمعتها أصلاً، بترتّبها حسب مادتك وشابترك، وبتبني فوقها ملخصات وبنوك أسئلة.
تلات خطوات، وما في وحدة منها إلك
إنت بس بتدوّر وبتدرس.
الفريق بيجمع
فرق طلابية بكل كلية بترفع سلايدات دكاترتها، امتحاناتها السابقة، ودوسيّاتها. هدول ناس بيعرفوا موادكم لأنهم درسوها.
هالمحتوى مجاني للكل — بدون تسجيل دخول، وباسم اللي جمعه.
لُباب بترتّب وبتلخّص
بنربط كل ملف بمادته وشابتره، وبنبني فوق ملفات الفريق ملخصات وبنوك أسئلة وفلاشكاردز — من نفس مصادر مادتك، مش من الإنترنت.
هذا محتوى الاشتراك، وعليه شارة واضحة دايماً.
إنت بتدرس
بحث واحد بيوصلك لمادتك عبر كل الجامعات، وكل شي بينزل على موبايلك ويشتغل بدون إنترنت — لأن مكتبة الجامعة الواي فاي فيها بيروح.
جلسة ويب وجلسة موبايل بنفس الوقت لكل اشتراك.
مصدرين، وبتعرف الفرق من أول نظرة
ما بنحبس شغل الفرق خلف اشتراك. الاشتراك على اللي بنبنيه إحنا فوقه — وكل ملف بيقولك مين عمله.
اللي جمعه فريق كليّتك
مفتوح للكل، بدون حساب. اسم الفريق واسم اللي رفع الملف بيضلوا عليه.
اللي بنبنيه فوقه
كل ملخص بيقولك على شو مبني — سلايدات مين ومحاضرة رقم كم. راجعه دايماً مقابل سلايدات دكتورك.
وكمان بتلاقي
حاسبة المعدل
فصلي وتراكمي، بنظام علامات جامعتك بالذات — بما فيها قاعدة المواد المعادة.
إيميلات الدكاترة
دليل محدّث كل فصل، مع الساعات المكتبية ومواد هالفصل.
أوفلاين كامل
نزّل مادتك كلها ع الموبايل واقرأها بدون إنترنت.
بحث بكل الجامعات
نفس المادة عند جامعة تانية؟ فلاتر بتوصّلك لملفاتها.
عندك فريق بكليّتك؟
بنعطيكم سبدومين بشعاركم ولونكم، ولوحة ترفعوا منها وتتابعوا تنزيلاتكم — ونسبة من اشتراكات طلاب كليّتكم كل شهر. المحتوى بيضل ملككم، والكريدت باسمكم على كل ملف.